Жыл сайын оқу жылы аяқталғаннан кейін балалар жазғы лагерьлерге асығады. Қуанышқа толы көңілді жаздың ұмытылмас естеліктері жазғы ашық алаңда басталады. А.Байтұрсынов атындағы бастауыш гимназиясында 3 маусым күні мектеп жанындағы «Жауқазын» демалу-сауықтыру алаңқайының ашылу салтанаты өткізілді. Жазғы алаңның басты мақсаты - балалардың бос уақытын тиімді ұйымдастыру және таланттарын анықтау, балалардың шығармашылық қабілеттерін жан-жақты бағытта дамыту. «Жауқазын» алаңқайының I ауысымының ашылу салтанатына орай іс-шара балаларға қызықты, мерекелік көңіл-күймен өткізілді. Іс-шараны өткізу барысында балалар өз өнерлерін көрсетті: ән айтты, домбыра тартты, би биледі. Сонымен қатар оқушылардың жас ерекшеліктерін ескере отырып интеллектуалды және қозғалыс ойындары өткізілді.